lovers & friends

Anonymous asked: I think you're just a flirty girl. right?

Sorry, but I’m not. And even if I am, I will not tell anyone.

Meron akong bagong kaibigan. Matagal ko na siyang kilala pero ngayon ko lang siya nakakwentuhan. Masarap siyang kakwentuhan. Swabe. Ewan ko pero mas naniniwala ako sa mga storya ng lalaki kaysa sa mga kapwa ko babae. Gusto ko pa sana siyang mas kilalanin at mas kaibiganin pero meron akong mga bagay na kinatatakutan na baka mangyari.

Una, kasi lalaki siya. Iniisip ko lang na baka isipin niya na may gusto ako sa kanya. Medyo kilala ko na ang ugali ng mga lalaki. Kapag madalas silang binabati o kinakamusta ng babae, akala nila may gusto na sa kanila. Since hindi pa naman kami super close para maging natural lang ang pangungumusta, natatakot ako na baka ma-misinterpret niya yung mga actions ko. Which is of course ayaw kong mangyari. Wala lang. Ayoko lang ng isyu, at ayoko ng pinag-uusapan ako. Buti sana kung nakilala kami ng mga tao bilang magkaibigan na, pero hindi. So baka magulat sila na out of nowhere bigla kaming naging close. Alam mo na, likas na tsismosa talaga ang mga tao.

Pangalawa, may boyfriend ako. Hindi ako guilty na baka may ginagawa akong masama, pero lalaki yun e. Pwedeng pag-isipan ako ng masama kung malaman niyang may ka-chat ako or ka-text na lalaki. Seloso ang boyfriend ko, at parang alam ko na ang tatakbo sa isip niya kapag nalaman niyang meron akong gustong maging kaibigan na lalaki. Minsan talaga nalilimitahan ako dahil in a relationship ang status ko. Na may mga bagay na dapat ng hindi gawin ng isang babaeng committed na. Buti sana kung kaibigan ko na siya bago pa man ako nagkaron ng boyfriend, pero hindi.

Gusto ko lang siyang maging kaibigan. Dahil sa tingin ko cool siya at masarap siyang kakwentuhan promise. Hindi plastik. At sasabihin niya sayo yung totoo at hindi yung bagay na ineexpect mong marinig. Pwede kang masaktan, pero kung totoo naman e. Ganon talaga, okay lang.

Minsan iniisip ko na sana lalaki na lang ako. Kasi sa tingin ko talaga mas nakakasundo ko ang mga lalaki. Pero hindi ko alam kung eto pa rin ba yung preference ko kapag totoong naging lalaki ako. Malabo ba? Pero meron kasi talagang mga bagay sa mga lalaki na gustong gusto ko. Yung pagiging totoo nila sa pagkukwento ng tungkol sa mga pangyayari sa buhay nila. Kapag talaga lalaki ang nagsalita, tagos sa puso. At alam mong walang halong biro.

Dalawa ang bestfriend ko, parehong lalaki. At once na ring napagkamalang karelasyon ko. Ang galing ko lang na napalampas ko yung mga isyu na baka kami. So sana lang etong lalaking ito maging isa sa mga bestfriends ko. Siguro ang kapal na ng mukha ko na sabihin yun dahil baka naman hindi ganun ang tingin sken nung lalaki. Baka kasi hindi niya ako gustong maging kaibigan. Pero sana lang, maraming pang tulad niya na dumating sa buhay ko. Gusto ko ng maraming kaibigang lalaki. Kasi sa tingin ko kapag ganun, para mo na rin nakilala ang mundo.